224
REGISTRES DU BUREAU
[i5i5]
Eschevins Ie jour d'ver retirez devers la Court pour requerir y estre oyz avant que publication se feist dud. edict. A quoy la Court leur fist response entre deux huitz par l'ung des clercs du Greffe que, s'ilz vouloient faire de par la Ville aucunes remons­trances, ilz les eussent à mettre par escript dedans huy devers la Court; alias seroit publié led. edict. Et pour ce que le temps estoit court, s'en partirent et feirent faire le mieulx qu'ilz peurent ung adver­tissement de remonstrance, tendans ad ce que dud. edict ceste ville feust distraicte; lequel advertisse­ment, pour ce que la matiere est notable et de grant importance, l'ont voulu communiquer en ceste As-
semblée pour l'oyr tire, et avoir sur ce l'advys et op­pinion des assistans, avant que le porter et mettre devers lad. Court.
Si en a esté faicte lecture, et a esté trouvé trés bon et raisonnable avecques quelques petites addi­tions et modiffications que l'on y a adjustées en le lisant. Et, ce fait, a esté deliberé et conclud que l'ad­vys et oppinion desd, assistans de le mettre au nect et bailler à la Court, et à icelle requerir et faire en­registrer que, où elle vouldroit passer oultre sur le fait des gaiges, prééminences et auctorité dud. office de Contrerolleur, que la Ville soit plus amplement oye, et luy bailler jour compétant pour ce faire.
CCCXXXIV. — Autre assemrlée sur le fait desd. xxm livres tournois.
19 mai i5i5. (Fol. 2g3 v°.)                                    t
L'an dessusd, mil vc quinze, le samedi xixe jour de May, en Assemblée faicte en la grant salle de l'Ostel de la Ville, en laquelle estoient appellez mess™ les xxim Conseillers de la Ville, les seize Quarteniers et xii notables personnes de chascun quartier, monsr le Prevost des Marchans a dit et proposé comme, en ensuivant la conclusion prinse en autre Assemblée, du dimanche six"10 jour dud. mois de May M, sur le fait des xx"1 livres tournois re­quises en don de par le Roy à ceste ville de Paris, luy et ses compaignons Eschevins s'estoient retirez par devers mons' de La Martonnye f'2', premier presi­dent, commissere de par led. Sr en ceste partie, pour savoir et entendre de luy si le Roy entendoit lad. somme estre levée indifferanment sur chascun tant privilegiez que non privilegiez, ouquel cas la Ville luy octroyoit en don lad. somme; et si on en vouloit exempter aucuns, qu'il pleust au Roy se contanter de x à xnm livres tournois et fere moderation pour le moins du tiers de lad. somme requise.
A quoy mond. sr le president leur avoit fait res­ponse que l'exemption cles officiers privilegiez estoit toute evidente, et que le Roy n'entendoit point les comprendre en cest affere, car il les charge par autre
voye, quant bon luy semble, par retention de leurs gaiges; mais s'entendoyent y estre comprins les communs habitans de la ville, bourgois, marchans et mesnagers; et quant à diminution de lad. somme de xxm livres tournois, l'on ne s'attendist pas d'en avoir moderation, car les affères du Roy estoient si contraincts qu'il n'en sauroit moins demander; tou­teffois en communiqueroit voulentiers à ses compai­gnons, et en escriproit au Roy en faveur de la Ville(3) :
A celle cause estoit faicte ceste Assemblée pour adviser sur ce récit ce qui estoit à fere et y prendre conclusion.
Si a demandé aux assistans leurs advys et oppi-nions, et pour ce qu'ilz ont esté differens : car les ungs estoient d'avys d'accorder toute la somme sans y comprendre les officiers privilegiez, les autres d'y comprendre les privilegiez, et les autres d'octroyer seullement les deux pars de lad. somme; n'a riens esté conclud, sinon que de rechef mesd. s™ Prevost et Eschevins se retireroient devers mesd. s" les Commisseres, el leur feroient toutes remonstrances pertinentes ad ce que moderation fut faicte de lad. somme de xxm livres tournois à xum livres tournois.
CCCXXXV. — Lettres missives du Roy touchant l'octroy de xxm livres tournois.
20 juin 1 5i5. (Fol. 2g4 v°.)
Et le jeudi xxc jour de Juing ensuivant oud. an mil v° quinze, ont esté receues lettres du Roy à la
Ville, pour lesquelles a esté faicte Assomblée des Conseillers, Quarteniers et quatre notables per-
<-' Ci-dessus art. CCCXXXI.
(2)   Cette démarche avait eu lieu le 8 mai, ci-dessus art. CCCXXXII.
(3)   La teneur de ce paragraphe est Ia reproduction textuelle de l'art. CCCXXXII.